 |
| 呢件黑色石彫像（石灰石）， 公元前500年，叫做「Sage-Siah」 來自波斯波利斯，位於伊朗西南部，法爾斯(Fars) 省設拉子(Shiraz)東北約51公里 。 |
中亞地區係呢幾十年，可以話冇日安寧，好多國家都曾經威振四方，但以家都變為頹垣敗瓦！人窮就自然計仔多，冇乜娛樂，唯有向狗身上打主意。養狗賣就冇問題，鬥狗就......唉！不過都無辦法，係敢嘅環境。對於我地呢類愛狗人，就只能痛心。呢類曾經同輝煌歷史共存嘅活化石，以家就要靠浴血生涯嚟生存。 我國好早都有記載，呢類西域巨犬。 北齊書南陽王綽傳 綽始十餘歲，留守晉陽。愛波斯狗，尉破胡諫之，欻然斫殺數狗，狼藉在地。破胡驚走，不敢複言。後為司徒、冀州刺史，好裸人，使踞為獸狀，縱犬噬而食之。左轉定州，汲井水為後池，在樓上彈人。好微行，遊獵無度，恣情強暴，雲學文宣伯為人。有婦人抱兒在路，走避入草，綽奪其兒飼波斯狗。婦人號哭，綽怒，又縱狗使食，狗不食，塗以兒血，乃食焉。 北齋皇帝高洋有一個侄兒，叫高綽官封司徒，養了幾頭高大嘅波斯狗，高綽得閒無嘢做，就叫人拖呢幾頭波斯狗出來，叫過路老百姓除哂衫，扒係地下扮野獸，跟住叫隻波斯狗咬佢地，「縱犬噬而食之」。有一個女人抱住個細路經過，見到高綽，就連忙走入草叢避佢，高綽就叫人「奪其兒飼波斯狗」。個女人哽係喊喇，高綽惡起嚟再叫隻狗咬個女人。「狗不食,塗以兒血,乃食焉。」原來呢隻惡狗還有點人性，食咗個細路就唔忍心再食埋個阿媽。不過呢個高綽根本就唔係人，係都耍隻波斯狗食埋個兩仔乸。陰公！
Sage Ghafghazi –（Caucasian Owcharka） ，Sage Mazandarani ，Sage Ashayeri 以上犬名就係現時伊朗犬類，主要都係出自遊牧民族所飼養，佢地都係屬於「中亞獒」一族。
西域罽賓國傳–罽賓國出大狗郭義恭廣志 ﹕罽賓大狗大如驢 ， 赤色 ，數里搖鞉以呼之。
「鞉」﹕解作小鼓。
「罽賓」﹕興都富什山以南，阿富汗境內喀爾布河流域。古希臘人稱該河為Kophen，罽賓即其音譯。
Sage Koochee 牧民犬， 同屬於「中亞獒」一族。
